Իրանի հարավարևելյան շրջանում պայթյուն է որոտացել։ Ահաբեկիչները հարձակում են գործել Իրանի զինված ուժերի էլիտար ստորաբաժանման՝ Իսլամական հեղափոխության պահապանների կորպուսի ավտոբուսի վրա:

Դեռևս ոչ մի ահաբեկչական կազմակերպություն չի ստանձնել պայթյունի պատասխանատվությունը:

Պայթյունի հետևանքով զոհերի թիվը հասել է 41-ի: Այս մասին հայտնում է РИА Новости-ն՝ հղում անելով իրանական աղբյուրին:

«Զոհերի թիվը հասել է 41-ի, որոնց թվում են Իրանի «Իսլամական հեղափոխության պահապանների կորպուսի» անդամներն ու խաղաղ բնակիչները»,- ասվում է «Ֆարս» գործակալության թվիթերյան հաղորդագրության մեջ:

Ավելի վաղ հաղորդվում էր 20 զոհի և ևս 20 վիրավորի մասին: Նշվում էր, որ զոհվածները զինվորականներ են: Պայթյունն իրականացրել է մահապարտ ահաբեկիչը, սակայն ոչ մի ահաբեկչական կազմակերպություն դեռևս չի ստանձնել կատարվածի պատասխանատվությունը: